Verse
నీవే నీవే నీవే మా ప్రాణం
యేసు నీవే నీవే మా గానం
ఆశ్రయమైన ఆధారమైన నీ దివ్య ప్రేమ చాలయ్య
కొలుతుము నిన్నే యేసయ్య
Verse
శాశ్వతమైన నీ తొలి ప్రేమ – మార్గము చూపి కాచే ప్రేమ
ఆదియు నీవే అంతము నీవే – నీ చరణములే శరణమయా
నిను పోలి ఇలలోన – ఒకరైన కానరారే
నీవు లేని బ్రతుకంతా – యుగమైనా క్షయమేగా
విలువైన వరమేగా – నీవు చూపే అనురాగం
కలకాలం విరబూసే – ప్రియమార స్నేహమే
నీ ప్రియ స్నేహం – ఆనందం
కొలుతుము నిన్నే ఆద్యంతం
Verse
ఊహకు మించిన నీ ఘన కార్యం – ఉన్నతమైన నీ బహుమానం
నీ కృపలోనే చూచిన దేవా – జీవనదాత యేసయ్య
కలనైనా అలలైనా – వెనువెంటే నిలిచావు
కరువైనా కొరతైనా – కడదాకా నడిచావు
ఇహమందు పరమందు – కొలువైన ప్రభు యేసు
ఎనలేని దయ చూపే – బలమైన నామమే
నీ ఘన నామం – మా ధ్యానం
కొలుతుము నిన్నే ఆద్యంతం