Verse
నేనెంత ధన్యుడనో ప్రియుడా యేసయ్య
నీ రెక్కల నీడలో ఆశ్రయమిచ్చితివి
సమృద్ధి కృపతో మారని ప్రేమతో
ఉన్నత కార్యములు నాకై చేసితివి
పరవశమే పరిమళమే నీ కౌగిలిలో
సంతసమే సంబరమే నీ సన్నిధిలో
Verse
నీకు దూరమైన స్థితిలో నే గాయపడిన వేళ
నా దీనస్థితిని చూచి దాటిపోక
నా హృదినే కట్టినావే పరమ తండ్రిగా
క్షేమం బహుపదిలం నీ ఒడిలోనే
ధైర్యం సహవాసం నీ ఉపదేశం
Verse
శ్రమకు తాళలేని స్థితిలో నే తల్లడిల్లు వేళ
నీ కరము చాపి నన్ను చేరదీసి
నీ చెలిమి పంచినావే నా హితుడవై
గమనం నా గమ్యం నీ కృపలోనే
గానం నా గాత్రం నీ కొరకే
Verse
నిరాశచెందు స్థితిలో నే సాగలేని వేళ
నీ ఆత్మ వర్షమును పంపి నాకై
ఫలింపచేసినావే నాదు బ్రతుకును
సాక్ష్యం నా సర్వం నీవేనయ్యా
జీవించెద నీకై శ్రేష్ట ఫలముగా