నేర్చుకొనరే యేసువాడుక లనుదినము

Nerchukonare Yesuvaduka Lanudinnamu

Lyricist: Eethakota Prakashamu

Chorus

నేర్చుకొనరే యేసువాడుక లనుదినము మీ బ్రతుకునందున

నేర్చుకొనిన మీరలాయన జనముగ నొప్పుదురు ఇలలో‖ నేర్చుకొనరే ‖

Verse

ఆలయ ఆరాధనలకు బోయెడియలవాటుగలిగియు చాలమారులు

ఆలయమునకు అరగిన యా ప్రభుని వాడుక‖ నేర్చుకొనరే ‖

Verse

దేవవాక్య పఠనమందున దీక్షగలిగియు మరియ సుతుడు దివ్యముగ

నా గ్రంథ పఠనము జేసినవిధంబు మీరలు‖ నేర్చుకొనరే ‖

Verse

పరమ తండ్రికి ప్రార్థనలు ప్రతివేళ జేయుట పరమవిధియని మరువకను

ప్రార్ధించి మనలను నిరతమును ప్రార్ధింపమనెను‖ నేర్చుకొనరే ‖

Verse

బీద పాపులు బాధితులు బంధింపబడిన వారి కెల్లను ఆదరము

జూపించి మేలును జేసిన విధంబు మీరలు‖ నేర్చుకొనరే ‖

Verse

సువార్త ప్రకటనజేయుట సుభాగ్యముగ దానెంచి యీ భువి సేవలో

సువార్త జాటుచు సంచరించిన యేసు వాడుక‖ నేర్చుకొనరే ‖

Verse

అక్కరలలో దన్నుజేరి మక్కువతో బ్రార్ధించి వేడిన పెక్కు జనముల

యక్కరలను జక్కగ దీర్చిన విధంబును‖ నేర్చుకొనరే ‖

Verse

దైవచిత్తము దీర్చుటయే తన ధర్మ విధిగ నెరిగి యాయన ధరణిలో నా

ధర్మమునకై మరణమొందిన విభుని మాదిరి‖ నేర్చుకొనరే ‖