పరిశుద్ధం పరిశుద్ధం పరిశుద్ధం

Parishuddham Parishuddham Parishuddham

Lyricist: Thuloori Cornelius

Chorus

పరిశుద్ధం పరిశుద్ధం పరిశుద్ధం బయిన యా పరమ కానానున

కరుగున దెపుడో‖ పరిశుద్ధం ‖

Verse

పరిశుద్ధమయిన యా యెరుషలేము పురము వర పద్మరాగంపు స్ధిర

పునాదులతోడ పరిఢవిల్లు సువర్ణ ప్రహరియు గోడలు నురురత్న ద్వారంబు

లదిరిగ గల వహహ‖ పరిశుద్ధం ‖

Verse

ఆ నీతిపురమున నాకాశమున వెల్గు భానుండు శశి కానఁ బడఁ

బోవు దేదీప్య మానంబై విలసిల్లు మానిత గొఱ్ఱియ దానికి జ్యోతియై

తనరుచుండు నహహ‖ పరిశుద్ధం ‖

Verse

శృంగారమైనట్టి బంగారు వీధులలో చెంగు చెంగున దాఁటు శ్రేష్ట

సమయంబున మంగళ ప్రదమైన మహిమ రాజ్యమునందు రంగైన

ప్రభుయేసు రాజున్ దర్శింతును‖ పరిశుద్ధం ‖

Verse

తళతళ మెఱసెడు ధవళంపు టంగీలు కళ లీనుచుండంగ గాళ్లార

ధరియించి భళిర భళిర యంచు భక్తాళితో నెపుడు నెళవుగా నుందుము

నిజ రక్షకుని చెంత‖ పరిశుద్ధం ‖

Verse

భూరి వీణెలు చేతఁ బొల్పుగ ధరియించి సారెకు మీటుచు సంగీత

ములు బాడి శ్రీ రాజా నీకు జో హారంచు ప్రభు యేసు పేరఁ గీర్తింతురు

ప్రియ భక్తులందఱు‖ పరిశుద్ధం ‖

Verse

కరములు జోడించి శిరముల్ క్రిందికి వంచి వరపీటమును జుట్టి

తిరుగు దూతలఁగూడి పరిశుద్ధం పరిశుద్ధమని నేను పరమ

సంగీతంబు బాడుచుండెద నాహా‖ పరిశుద్ధం ‖