ప్రభుయేసు నాకై సర్వము నిచ్చితివి ప్రేమనుబట్టి అర్పించు కొంటివి నాకై

Prabhuyaesu Naakai Sarvamu Nichchithivi Praemanubatti Arpimchu Komtivi Naakai

Verse

ప్రభుయేసు నాకై సర్వము నిచ్చితివి

ప్రేమనుబట్టి అర్పించు కొంటివి నాకై

Verse

శిరస్సు నిచ్చితివి ముండ్ల మకుటముకై - స్వామి నా పాపముల కొరకే

సహింపజాలని వేదన బహుగా సహించితివి ప్రేమతోడ

Verse

కన్నుల నిచ్చితివి కన్నీరు కార్చ - కరుణించి నా స్థితిని జూచి

కరిగె నీ హృదయం దుఃఖంబుతోడ - కడు వేదనతో యేడ్చితివి

Verse

కొరడా దెబ్బలచే నీ దేహమంత - చారలుగ దున్నబడెను

శరీరమంత రక్తమయమాయెను - వరదా! గాయము లొందితివా

Verse

కాళ్ళు చేతులలో మేకులు గొట్టిరి - బల్లెముతో ప్రక్కన్ బొడిచిరి

యేలాగు వివరింతు నీ బాధ నేను - ఓర్చితివా మౌనము వహించి

Verse

ప్రాయశ్చింత్తంబై పోతివా నాకై - పాపము నుండి విడిపించుటకు

పొందితి నెంతో గొప్ప రక్షణను - పశ్చాత్తాపము ద్వారా నేను

Verse

ఎంత అద్భుతము ప్రభువా నీ ప్రేమ - ఎందు కింతగా ప్రేమించితివి

వందన మర్పింతు నీ పాదములకే - పొందుగ నీ వాడనైతి

Verse

నా యెడల నీదు సంకల్పమేగా - నీ స్వాస్థ్య మనుభవించుటకు

నీతోడ నిరతం నేనుండునట్లు నీ యధికారం బిచ్చితివి