Chorus
ప్రియుడా ప్రభు యేసునకు - నీ వీనుల నిమ్ము
ప్రియుడా ప్రభు యేసునకు - విశాల స్థలమిమ్ము
ప్రియుడా ప్రభు యేసునకు - విస్తార ఫలమిమ్ము
Verse
సర్వాధికారియైన యేసు - సర్వశక్తి గలవాడు
సర్వజనులలోన - శిష్యుల జేయుమనెన్
Verse
జనముల నీదు స్వాస్థ్యముగ - భూమి దిగంతముల వరకు
నన్నడుగుడి మీదు సొత్తు - గా నిచ్చెదననెన్
Verse
పర్వతముల నీవు యెక్కి - మ్రానులను కొట్టి తెచ్చి
మందిరము కట్టిన - మది నుల్లసింతుననెన్
Verse
కోత సమయమింక కొంత - కాలమున్నదనేదంత
తెల్లబారిన పొలముల్ - కన్నుల గాంచుమనెన్
Verse
ప్రతివాడు తన స్వంత పనులే - చింత గలిగి చేసెదరిలలో
ప్రభు యేసు పనులన్ నీవు - పాటింప కుండెదవా?
Verse
నీ దేహమును నీది కాదు - విలువపెట్టి కొన్నాడేసు
నీ దేహమాయన కిమ్ము - సజీవ యాగముగ
Verse
ప్రతివాని పనుల పరికించి - ఫలము నియ్య ప్రభుడిలకొచ్చున్
ప్రతిచోట నీవు ఫలములన్ ఫలించుచుండు మిలన్