Verse
రమ్ము! నీ తరుణమిదే పిలచుచున్నాడు
నీ ప్రభువైన యేసు నొద్దకు
Verse
జీవితమంతయు వ్యర్థముగను దుఃఖముతోను
గడుపుటయేల వచ్చి ఆయన శరణు జొచ్చినచో
వాంఛతో నిన్ను స్వీకరించున్‖ రమ్ము ‖
Verse
కట్టిన యిల్లు ధనధాన్యములు కనబడు బంధుమిత్రులును
గూడు విడిచి నీవు పోయినచో వెంటనీతో రారెవరు‖ రమ్ము ‖
Verse
అందము మాయ అస్థిరమే దాని నమ్మకుము మోసగించును
మరణము ఒకనాడు వచ్చును మరువకు నీ ప్రభువును‖ రమ్ము ‖
Verse
మిన్ను క్రిందన్ భూమి మీదన్ మిత్రుడేసు నామముగాక
రక్షణ పొందు దారిలేదు రక్షకుడేసే మార్గము‖ రమ్ము ‖
Verse
తీరని పాపవ్యాధులను మారని నీదు బలహీనతల్ ఘోర
సిలువలో మోసితీర్చెన్ గాయములచే బాగుపడన్‖ రమ్ము ‖
Verse
సత్యవాక్కును నమ్మి రమ్ము నిత్యజీవమును నీకిచ్చున్
నీ పేరు జీవపుస్తకమునందు నిజముగ ఈనాడే వ్రాయున్‖ రమ్ము ‖