Chorus
సర్వోన్నత స్థలంబులో - దేవునికే మహిమ
సర్వాధికారి యేసుని సిలువచే కలిగెను
Pre-Chorus
సర్వోన్నతుండగు దేవుని - సేవకులై యుండియు
సర్వోన్నతుని చిత్తంబున - సర్వదా స్తుతియించెదము
Verse
పరలోక యెరూషలేమున - పరిశుద్ధుల సంఘంబు
మురియుచు భర్త యేసుకై - అరుదెంచుచుండెను
పరిశుద్ధ పట్టణమందున - ప్రభు యేసు క్రీస్తుండు
ప్రకాశమానదీపమై - ప్రజ్వలించుచు నుండె
Verse
దేవుని సింహాసనమున - దేవుని మహిమలో
సువర్ణ కిరీటంబుల ధరించిన పెద్దల
జీవుల మద్యనుండెను - దేవుని గొర్రెపిల్ల
ఘనత మహిమ ప్రభావము - యుగయుగములు ఆయనకే
Verse
స్ఫటికంబు బోలినట్టి మెరయు - జీవ జలనది
పట్టణపు వీదులలో - ప్రవహించుచుండెను
స్ఫటికంపు నది కిరుప్రక్కల - జీవ ఫలవౄక్షంబు
స్వస్థత కలిగించును - వౄక్షంపు యాకులు
Verse
బండలో నుండి నీటికాల్వల నిండుగ రప్పించెన్
మెండైన నదుల నీళ్ళను - దండిగ పారించెన్
బండైన క్రీస్తును చీల్చెను - ప్రభుదేవుండే మనకు
నిండార నింపు నాత్మను - తండ్రి విధేయులన్
Verse
మెట్టల స్థలమందున - నదుల పారచేతున్
ఈటల నెన్నో లోయల - నుబుకంగ జేతును
నీటిమడుగులుగా మార్చెద - నరణ్యము నంతటిని
నీటి బుగ్గలుగా చేతును - ఎండిన నేలను
Verse
దావీదు పట్టణమందున - దావీదు సంతతిలో
దేవుని సర్వశక్తితో - జన్మించె యేసుండు
దావీదు తాళము కలిగి - తన సింహాసనమందు
తావిచ్చి చేర్చుకొనును - జయించువారిని
Verse
సిల్వలో మరణించెను శ్రీ యేసు నా కొరకు
విలువైన రక్తము కార్చెను - మలినంబు బోగొట్టన్
బలుడైన ఆత్మ శక్తితో - గెలిచె సమాధిని
బలమిచ్చును పరిశుద్ధులకు - హల్లెలూయా పాడెదము