శ్రీ వినోద దాయకంబు దేవుని వాక్

Shree Vinodha Dhaayakambu Dhevuni Vaak

Lyricist: Gunnabathula Samuel

Verse

శ్రీ వినోద దాయకంబు దేవుని వాక్యంబు జీవమునకు నాస్పదంబు

చిరమగు ధనంబు భావంబుల మార్చు నంబు బహుళ సాధనంబు‖ శ్రీ ‖

Verse

పాప తతికి నాయుధంబు పాపి కాశ్రయంబు భూపతులకు దుస్తరంబు

పుణ్య సాధనంబు శాప మడంచెడు శరంబు జగతికి విభవంబు‖ శ్రీ ‖

Verse

స్వాతంత్ర్య మిడు దనంబు సర్వశ్రేయంబు ఘాతకులకు ఖడ్గంబు

నీతికినిలయంబు ప్రీతిని గరపెడు విధంబు ఖ్యాతికిఁ బథంబు‖ శ్రీ ‖

Verse

సత్య విరాజితంబు నిత్య శోభితంబు భృత్య వరుల సంచకరము

భీతున కభయంబు చేతో విభవంబు సుగుణ శిష్యుల హారంబు‖ శ్రీ ‖

Verse

కర్తఁ జూపు నద్దంబు ఘనమహాద్భుతంబు దురితతతికి నస్త్రంబు దు

ఖశోషణంబు పరమోపదేశంబు బహుళమానితంబు‖ శ్రీ ‖

Verse

సర్వజనులకును హితంబు సౌఖ్యసాధనంబు శాంతికి నిజమార్గంబు

జగడముల హరంబు జగము నంతకును వరంబు సత్యవిజయంబు‖ శ్రీ ‖

Verse

కోలాహల కారణంబు చాల ప్రాచీనంబు మూలమౌ ధనంబు జగము

నేలెడి తంత్రంబు జాలియె దన సూత్రంబు మేలు భూషణంబు‖ శ్రీ ‖

Verse

జ్ఞానికి దుర్ గ్రాహ్యంబు దాని బోధనంబు దీనజనుల కర్థంబు దివ్య

శోభితంబు మానితభక్తిని దినంబు మానని పఠనంబు‖ శ్రీ ‖