Verse
స్తోత్రింతుము నిను మాదు తండ్రి
సత్యముతో ఆత్మతో నెపుడు
Verse
పరిశుద్ధాలంకారములతో
దర్శించెదము శరణం శరణం
Verse
శ్రేష్ఠ యీవుల యూట నీవే - శ్రేష్ఠ కుమారుని యిచ్చినందున
త్రిత్వమై యేకత్వమైన త్రి-లోక నాథా శరణం శరణం
Verse
పాపి మిత్రుడ పాప నాశక - పరమవాసా ప్రేమపూర్ణా
వ్యోమపీఠుడా స్వర్ణమయుడా - పరిశుద్ధాంగుడ శరణం శరణం
Verse
ధవళవర్ణుడ రత్నవర్ణుడ - సత్యరూపి యనబడు వాడా
నను రక్షించిన రక్షకుండవు - నాథ నీవే శరణం శరణం
Verse
బంగారు వెంట్రుకలు తలపై - ఉంగరములుగ కనబడినవి
వేలలో నతి కాంక్షణీయుడా - వేలకొలది శరణం శరణం
Verse
గువ్వల వంటి కన్నులు - పువ్వుల వంటి చెక్కిళ్ళు
మంచి రూపము కలిగినందున - మాకు నీవే శరణం శరణం
Verse
చేతులు బంగారుమయము - చెక్కిన రత్నముల వంటివి
కాళ్ళు రాతిస్తంభములవలె - కన్పడుచున్నందున శరణం
Verse
సంఘమునకు శిరస్సు నీవే - రాజా నీకే నమస్కారములు
ముఖ్యమైన మూలరాయి - కోట్లకొలది శరణం శరణం
Verse
నీదు సేవకుల పునాది - జ్ఞనమునకు మించిన తెలివి
అందముగను కూడుకొనుచు - వేడుకొందుము శరణం శరణం
Verse
రాజ నీకే నమస్కారములు - గీతములు మంగళ ధ్వనులు
శుభము శుభము శుభము నిత్యము - హల్లెలూయ ఆమెన్ ఆమెన్