Verse
తండ్రి నే విడచి ఇంటినే మరచి
ఆస్తి లో వాటాని అడిగావే నాయని
ఒంటరివై మిగిలిపోయావా
బంధాన్ని తెంచుకున్నావా
సిన్నోడా ఊరుమీలేక నువ్వు నలిగావా
సిన్నోడా మాట ఒగ్గేసి దూరాన పోయావా
తోడు లేక నీడ లేక చావలేక బ్రతుకుతున్నావా
ఉన్నోడు లేనోడు అయినోడు కానోడు
నీ చెంత చేరి జల్సాలు చేసే
లోకంలో మోసపోయావా
తోడు లేక తల్లడిల్లావా
సిన్నోడా శిమ్మ సీకట్లో ఎన్ని ఇక్కట్లు రా
సిన్నోడా తాళలేవురా ఆలస్యమెందుకు రా
నీ కోసం వేచి ఉన్న నీ తండ్రి దరికి నీవు చేరరా
విలువైన బంధం కరువైన వేళ
బరువైన గుండె బద్దలయ్యిందే
ఆకాశం మబ్బులు కమ్మినా
కన్నీరే గుండెలు నిండెనే
సిన్నోడా ఆ ప్రేమ పొంద ఇంటికి తిరిగిరా
సిన్నోడా కరము(చేతులు) చాచి నిన్ను పిలిచెరా
కరుణించి ప్రాణమిచ్చి కృప చూపే యేసుని చేరరా