Chorus
త్రాహి మాం క్రీస్తు నాధ దయఁ జూడ రావే నేను దేహి యనుచు
నీ పాదములే దిక్కుగాఁ జేరితి నిపుడు‖ త్రాహి ‖
Verse
గవ్వ చేయురాని చెడ్డ కర్మేంద్రియాధీనుఁడనై రవ్వ పాలై నే నెంతో
నెవ్వఁ బొందితిఁ త్రవ్వుచున్న కొలఁదిఁ పెరుఁగుఁ దరగదు నా పాప
రాశి యివ్విధమునఁ జెడిపోతినినే నేమి సేతు నోహోహోహో‖ త్రాహి ‖
Verse
నీ యందు భయభక్తులు లేని నిర్లజ్జాచిత్తముఁ బూని చేయరాని
దుష్కర్మములు చేసినాఁడను దయ్యాలరాజు చేతిలోఁ జేయి వేసి వాని
పనులఁ జేయ సాగి నే నిబ్భంగిఁ జెడిపోయితి నే నయ్యయ్యయ్యొ‖ త్రాహి ‖
Verse
నిబ్బర మొక్కించుకై నిజము రవ్వంతైన లేక దబ్బర లాడుటకు ము
త్తా నైతిని అబ్బురమైన ఘోర పా పాంధకార కూపమందు దబ్బున
బడిపోతి నయ్యో దారి చెడి నేనబ్బబ్బబ్బా‖ త్రాహి ‖
Verse
నిన్నుఁ జేరి సాటిలేని నిత్యానంద మందఁబోవు చున్నప్పుడు నిందలు
నా కెన్ని చేరినా విన్నదనము లేకుండ నీ వే నా మదికి ధైర్యమిచ్చి
యన్నిట రక్షించి తివి నా యన్న నీకు స్తోత్ర మహాహా‖ త్రాహి ‖