Verse
యెహోవా నా స్తుతికాధారుడా
మౌనముండకుము - మౌనముండకుము
దుష్టులు కపటులు - తమ నోరు తెరచి
అబద్ధములతో - నా పై లేచిరి
Verse
ద్వేషపు మాటలచే నా చుట్టుచేరి
నిర్నిమిత్తముగా పోరాడుచున్నారు
ప్రేమకు ప్రతిగా పగబూనిరి నా పై
మానక నేను ప్రార్థించుచున్నాను
Verse
అపవాది వాని కుడి - ప్రక్కనుండునుగాక
వాని ప్రార్థన - పాపమగును గాక
వాని దినములు - కొద్దివగునుగాక
ఆస్తియంతయుదోచు - కొనబడును గాక
Verse
విధవయై వాని భార్య దిగులొందునుగాక
దేశదిమ్మరులై - పిల్లలుందురు గాక
తల్లిపాపము తుడువ - బడకుండునుగాక
సంతతి యంతయు - నాశమగుగాక
Verse
పితరుల దోషములు - ఎన్న టెన్నటికిని
జ్ఞాపకముంచు కొనుమో దేవా
రాబోవు తరములలో వాని పేరు
మరువబడి మాసిపోవునుగాక
Verse
కృపజూపుటయే - మరచినవారై
శ్రమగలవానిని - చంపనాశించిరి
నలిగిన హృదయుల - తరిమెడువానికి
శాపమేగాని - దీవెన యెట్టిది
Verse
పై వస్త్రమువలె - శాపముండెనుగా
నడికట్టువలె వాని - వదల కుండునుగాక
నా శత్రువులకు - ఓ నా యెహోవా
నీ ప్రతీకారము - ఇదియగుగాక
Verse
దీవింతువు నన్ను - వారు శపింపగ
నీ దాసుడానందింప సిగ్గగువారికి
జనముల మధ్యను - నిను స్తుతియింతును
కృతజ్ఞతలతో - ఓ నా ప్రభువా